Наслов на проектот: Координирани акции за градење национални капацитети за Програмата LIFE во Северна Македонија
Акроним на проектот: LIFE25-CAP-MK-eHUB4LIFE
Број на проект: 101233810
Повик: Проекти за техничка помош за градење капацитети (LIFE-2025-TA-CAP)
Тема: LIFE 2024 – Градење капацитети
Датум на започнување: 1 октомври 2025 година
Датум на завршување: 30 септември 2028 година
На 3 јули 2023 година, во Брисел, Република Северна Македонија формално потпиша договор за асоцирање со Програмата LIFE, водечката иницијатива на Европската унија посветена на поддршка на активности за заштита на животната средина и климата. Како новоасоцирана земја, Северна Македонија се соочува со предизвици кои произлегуваат од ограничено искуство и институционални капацитети во областите опфатени со Програмата LIFE, особено кај персоналот во релевантните министерства кои дејствуваат како национални контакти (NCPs).
Проектот eHUB4LIFE има цел да ги надмине овие предизвици преку подобрување на ефективното учество на националните корисници во Програмата LIFE. Неговата главна цел е да ја зајакне мрежата на NCP преку координирани мерки кои ќе им овозможат да им помагаат на тековните и потенцијалните апликанти во подготовка на квалитетни проектни предлози.
Одржливоста на проектот ќе биде обезбедена преку развој на дигитална платформа за поддршка, наречена LIFEMKeHUB. Оваа платформа ќе понуди професионални насоки, ресурси и алатки за олеснување на пристапот до финансии од Програмата LIFE. Со подобрување на квантитетот и квалитетот на поднесените апликации, активностите во проектот значително ќе го засилат националниот придонес кон европските цели за животна средина и клима.
Партнери во проектот се Министерството за животна средина и просторно планирање (МЖСПП), кој е координатор на проектот и Центарот за менаџирање на знаење и вештини К&С Скопје.
Општа цел: Зголемување на учеството во повиците за проекти и унапредување на севкупниот квалитет на поднесените апликации во Програмата LIFE
Проектот eHUB4LIFE има за цел да го зајакне ефективното учество на националните корисници во Програмата LIFE. Ова ќе се постигне преку насочени мерки за градење капацитети на националните контакти (NCP), овозможувајќи им поефикасно да соработуваат и да ги поддржуваат (потенцијалните) апликанти во подготовката и поднесувањето на проектни апликации. Клучна компонента на оваа иницијатива е развојот на одржлива и сеопфатна дигитална платформа, наречена LIFE MK eHUB, наменета за обезбедување професионална и ефикасна поддршка за пристап и користење на средствата од Програмата LIFE.
Специфични цели:
SO1 Проширување на опфатот и промоција на Програмата LIFE на национално ниво.
SO2 Зајакнување на постојното знаење и комуникациски капацитет на мрежата на национални контакти (NCP).
SO3 Креирање на прилагодена, одржлива платформа за професионална и ефективна поддршка за пристап и искористување на средствата од Програмата LIFE.
SO4 Поттикнување на учеството преку ефективно искористување на резултатите од проектите и привлекување дополнителни финансиски инструменти.
- Споделување на информации за Програмата LIFE и идентификување на засегнати страни и заинтересирани учесници.
- Подобрени компетенции во рамки на мрежата на национални контакти (NCP) поврзани со Програмата LIFE и процесите за аплицирање, со зголемена достапност до релевантни апликанти.
- Зголемено учество и подобрен квалитет на предлог проектите во рамки на Програмата LIFE преку подготовка на поголем број квалитетни проектни предлози.
- Подобрена промоција на резултатите од проектите и нивна интеграција во релевантни политики и програми, како и зголемена дистрибуција на информации за финансиски инструменти како потенцијални извори на финансирање за LIFE проектите.
Повик за доставување на понуди за графички дизајн на визуелен идентитет и промотивни материјали (22.10.2025-27.10.2025)
Документи:
- Повик за доставање понуди за услуги за графички дизајн на промо материјали
- Барање за доставување понуди за услуги за графички дизајн на промо материјали
- Прилог 4 и 5 од Барањето за доставување понуди за услуги за графички дизајн на промо материјали
Повик за доставување на понуди за печатарски услуги на промотивни материјали (11.11.2025-17.11.2025)
Документи: